突然有感而發：
最近因為有啲嘢要做，所以要上網搵呢套戲，竟然無意中搵倒自己嘅粵語配音版。
我做配音工作已經踏入第15個年頭喇，直到而家我對配音工作仍然充滿熱誠，但係心態唔同咗。以前比較喜歡配卡通片，但而家比較鍾意配人片，畢竟年紀大左喇，語氣都會開始老。
無意中睇返2007 年配嘅呢套卡通，我覺得有好多回憶，因為當時我仲好年青，仲好新。十年過去，聽返自己配音，我覺得聲音可能冇乜點變，但係如果宜家要我再配呢套戲，我嘅語氣一定會唔同咗。突然好想多謝10年前嘅自己，造就左今日嘅我。
呢種感覺好奇妙，好慶幸我入到配音呢個行業，成日覺得就算有朝一日我死咗，都好似有啲嘢留低喺度。哈哈